فى يوم من الايام....كان يوم اسود ...كله مشاكل .....قررت امشى فى الشارع لوحدى ..و كانت الساعه 2 بليل ....ف مشيت...... مشيت كتير ...و انا بفكر فى المشاكل..... لقيت نفسى ماشى فى شارع كله ظلام مفهوش حد ولا فيه بيوت....ارض فاضيه على الجمبين و مفيش حتى عمود نور...كل اللى كان موجود ...ضو ء القمر بس..فكرت ارجع علشان كنت خايف..بس فى لحظه تحدى ...اتحديت نفسى و قلت لازم امشى و اكمل.. و فعلا مشيت و كملت و يارتنى ما كملت...لقيت الظلام بيزيد و نور القمر بيختفى شويه بشويه...قلت اكمل و فى لجظه جرأه كملت لحد موصلت لحته مقطوعه خااالص و بعيده عن مناطق الامان بحولى نص كيلو... و فجأه ...سمعت صوت موسيقى هاديه..مش عارف جت منين...قررت امشى ورا الصوت لحد مشوف منين.. لانى كنت فاكره من عربيه ولا حاجه .. قلت بنى أدم موجود او كدا ..المهم..مشييت كتير و الصوت بيعلى شويه بشويه لحد موصلت لمنطقه الصوت فيها كان واضح...كانت اغنيه مخيفه ..حسيت بأخوف بس قلت.ارجع علشان اتأخرت كدا..و انا برجع..لقيت عمود نور على الطريق.!!! استغربت اوى لانه مكنش فى ولا عمود خالص ...فحسيت برعشه غريبه نفضت كل جسمى .. و فجأه النور اتطفى و اتفتح و فضل يطفى و يفتح كتير و بطريقه غريبه .... جريت بسرعه من مكان ما جيت....لقيت راجل عجوز ماشى و معاه قطه سوده و ماشيه جمبه جريت عليه و قلتله لو سمحت ...هو احنا فين هنا ؟ رد و قالى ... احنا فى منطقه بعيده عن السنبلاوين شويه و مش هتعرف تطلع منها بسهوله فحكيتلو على الموسيقى اللى سمعتها و عمود النور..قالى انت مفروض متكونش هنا....و ايه اللى جابك؟ قلتله كنت بتمشى شويه ....فرد و قالى هنا منطقه محظوره ....مينفعش حد ييجى هنا....و فجأه صوته اتغير شويه و هو بيتكلم...و عينه بقت حمرا ... ساعتها حسيت ان قلبى وقف... جريت بسرعه و بعدت عنو جامد... وفجأه لقيتو جمبى ..... فضلت اجرى اجرى اجرى لحد ما وصلت امنطقه فيها ناس كتير..سألت واحد فيهم احنا فين قالى احنا جمب الترب بشويه.......جريت بسرعه ووصلت البيت و انا مخضوض و وشى اصفر خالص...دخلت نمت بعد ما استريحت من الجرى...بس بصحى على كوابيس للى حصلى و فى اليوم التانى قررت اروح نفس المنطقه و اشوف ايه دى...بس لما رحت هناك لقيتها فيها مبانى و ناس و الارض الفاضيه بقى فيها بيوت و عواميد النور ماليه الشارع.......
الخميس مايو 20, 2010 5:28 am
