ابـليـس ...2010

موضوع: ابـليـس ...2010 الثلاثاء يوليو 27, 2010 2:35 pm

طبعاً في ظل التطور التكنولوجي الموجود

كان لازم عدونا يطور نفسه بردوا

مش عايز يضيع أي فرصة

تعالوا مع بعض نشوف

بعض من التطورات الشيطانينة

" واحدة قاعدة على النت "

" أول حاجة ده فيس بوك يعني مش حقيقي ، وبعدين ما انتي الناس بيشوفوكي في كل حتة ، تفرق ايه بقى لما تعملي ألبوم صور على الإنترنت ، علشان الشباب ... قصدي البنات أصحابك يشوفوكي كل ما توحشيهم ..ز أيوه حطي الصورة أم فستان أحمر دي حلوة قوي .... خليهم يشوفوا السواريه بجد " !

" في محل ملابس نسائية "
" بص ما تقوليش ... سعره محصلش ، وبعدين ده حتى لو مش في الاوكازيون مايتفوتش ، ... دي مراتك لما هتلبسه الناس هيتلحسوا من حلاوتها ... وطبعا كله هيسأل دي مرات مين ؟
مين قدك يا عم "

" شاب ليلة الامتحان "

ليلة الامتحان
" يا رب وفقني في اختبار بكره والهمني الصواب يا رب
وتصير كل الاسئلة سهلة وارفع معدلي واطلع الاول إن شاء الله . آمين آمين آمين "

بعد الامتحان
" هلا أبو خلود ، يا أخي طفشااان ، تخاويني القهوة "

شاب من شباب اليومين دول مسقط البنطلون

"أيوه كده يا توتو ، نزل البنطلون لتحت شوية خلي الاندروير يظهر وينور
انت مش عارف إن كل ما تبين حتة أكبر ده بيدل على إنك جرئ وروش ؟
وبعدين ده كالفن كلين مش أي حاجة يعني "

حمادة كاراتيه أسرع واحد يتوضؤ في الدنيا
بيتوضأ في سبع ثواني وأربعة من عشرة Smile

أبو هريرة رضى الله عنه كان يمر والناس يتوضؤون من المطهرة ، فقال : أسبغوا الوضوء فإن أبا القاسم صلى الله عليه وسلم قال " ويل للاعقاب من النار "

دي حاجات بسيطة كدا ع الماشي

طبعاً ابليس ما يرضيش غروره الكلام دة وبس

لسة الأمورة اللي نازلة من بيتها ورسمت أجمل لوحه فنية على وشها
عشان تهبل الكل وهى ماشية

لسة الروش اللي هيروح مع أصحابه يعملوا قعدة روشة
وهنا بقى حدّث ولا حرج عن لزوم القعدة

لسة الطالب اللي رايح الامتحان عنيه حمرا يا عيني
طول الليل بحضر في البراشيم اللي هياخدها معاه

لسة الموظف المحترم اللي موقف طوابير قدامه
ويمشي اللي ياخد منه المعلوم وبس

ويا سلام بقى لو لقى حد ملتزم وعايز يدخله

يااااااااااه
ويدخله من ناحية الدين كمان
امال إيه
مش ملتزم

ولسة ..ولسة ..ولسة

مش بيغلب ابليس دة أبدا ولا بيمل
لكن احنا بسرعة بنمل

مخلص جدا في تنفيذ وعده وبئس الوعد ونعم العزيمة

"قَالَ رَبِّ بِمَا أَغْوَيْتَنِي لأُزَيِّنَنَّ لَهُمْ فِي الأَرْضِ وَلأُغْوِيَنَّهُمْ أَجْمَعِينَ {39}إِلاَّ عِبَادَكَ مِنْهُمُ الْمُخْلَصِينَ {40"

"قَالَ فَبِمَا أَغْوَيْتَنِي لأَقْعُدَنَّ لَهُمْ صِرَاطَكَ الْمُسْتَقِيمَ {16}
ثُمَّ لآتِيَنَّهُم مِّن بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَن شَمَآئِلِهِمْ وَلاَ تَجِدُ أَكْثَرَهُمْ شَاكِرِينَ {17}"

"قَالَ أَرَأَيْتَكَ هَـذَا الَّذِي كَرَّمْتَ عَلَيَّ لَئِنْ أَخَّرْتَنِ إِلَى يَوْمِ الْقِيَامَةِ لأَحْتَنِكَنَّ ذُرِّيَّتَهُ إَلاَّ قَلِيلاً"

وَمَا يَعِدُهُمُ الشَّيْطَانُ إِلاَّ غُرُوراً

دة مشروعه الباطل ودي عزيمته !!!!!

احنا بقى

فين

عايزين نتوب ونتغير

ونتغير دي فيها كلااااااااااام كتير

يعني مثلا مبقاش بلبس قصير وبعدين غيرت وبقيت ألبس بنطلون جينز
وأقول أهو اتغيرت ورجلي مش باينة

دة مش تغيير

دي حاجة بنضحك بيها على نفسنا
أو نمشيها على مذهب أنا كدا كويس

أنا كدا أحسن من غيري كتير

ودة مثال بسيط لأمثلة كتييييير من نوعية أنا كدا كويس

ودة بردوا من ألاعيب إبليس وأكيد نفوسنا الضعيفة

فواضح إننا محتاجين حاجة تترمي في Recycle Bin
ومحتاجين نعمل Download لنفس الحاجة بس أحدث إصدار

احنا محتاجين دة

قلب جديد

متبخلش على نفسك باحدث اصدار

وكل واحد وحسب السرعة عنده بقى

هتحمل قلبك الجديد في قد إيه

خلي بالك النور ممكن يقطع ومتلحقش

حمل بسرعة

موضوع عن جد شيق وجميل

بس انا كنت فاكر ان ابليس ده ضعيف اتريه شيطان

هههههههههههه

أنا كده كويس وكل واحد شايف نفسه كويس يا عم الحمدلله أنا بسرق بس ده ي غيري بيشرب خمره واللي بيشرب الخمره يا عم الحمدلله ده أنا كده كويس ده في غيري بيزني واللي بيزني يا عم الحمد لله أنا بزني بس ده في غيري مشرك بالله وهي دي المشكله كلمة أنا كده كويس !

موضوع جميل ونواياه هادفه بارك الله فيك

» احدث اكواد كول تون موبينيل الجديدة 2010,اجدد اكواد كول تون موبينيل 2010
» GameGain 2.7.19.2010
» عرض طلبة الثانوية العامة والجامعة 2010 من فودافون
» بوابتك لمواعيد البرامج الدينية الرمضانية 2010
» BitDefender Total Security 2011 Build 14.0.19 Beta / 2010 Build 13.0.21.347]